Increase font size Default font size Decrease font size Narrow screen resolution Wide screen resolution Auto adjust screen size
OOPS. Your Flash player is missing or outdated.Click here to update your player so you can see this content.
Presidenti Bamir Topi flet nga Restorant Uraniku PDF Printoni E-mail

Presidenti i Shqipërisë Bamir Topi, sot (15.04.2010) iu drejtua qytetarëve të Dibrës në një tubim të zhvilluar në Restorantin Uraniku, pjesë e komleksit të Banjave të Dibrës Capa.

Vizita e Presidentit Topi në qytetin e Dibrës vijoi me ceremoninë për nderimin e tij me titullin “Qytetar Nderi” me motivacionin: “Për merita të veçanta në promovimin e bashkëpunimit ndërkufitar dhe afrimin e popujve dhe të shteteve në rajon”.

 

Tepër i emocionuar nga ky nderim i veçantë e kuptimplotë, Kreu i shtetit shqiptar shprehu mirënjohjen duke theksuar se ky titull u përket të gjithë shqiptarëve, të cilët ai si President i Republikës së Shqipërisë i përfaqëson. “Unë sot jam dhe ndjehem një qytetar i Dibrës”, - u shpreh Presidenti Topi, - “dhe kjo për mua do të mbetet një vizitë e paharrueshme”. Pasi vlerësoi lart vlerat, kulturën dhe traditën e zonës së Dibrës, por dhe historinë e saj, Presidenti i Republikës shprehu mirënjohjen për të gjithë atë trashëgimi që dibranët kanë gdhendur në pasurinë shqiptare të vlerave. Kryetari i Shtetit shqiptar vuri në dukje se promovimi i politikave të fqinjësisë së mirë është prioritet i shtetit shqiptar dhe nënvizoi se “gjithë institucionet në Shqipëri janë të motivuara për të ndërtuar infrastrukturën për të rivitalizuar korridorin tradicional të rrugës së Arbrit, i cili besojmë se do të përfundojë në një periudhë sa më të shpejtë duke afruar popujt tanë gjithnjë e më tepër”. Pasi i shprehu mirënjohjen për nderimin e lartë, Presidenti Topi u nda me të pranishmit në ceremoni duke i uruar atyre mbarësi, begati e prosperitet shoqëror.

Presidente Bamir topi në Dibër të Madhe

 
< I mėparshmi   Tjetri >

Ēfarė thonė tjerėt pėr Banjat e Dibrės:

Na gjeni edhe nė Facebook

Sondazh

Sa herė i keni vizituar Banjat tona ?